Өмірбаян

Тарих ғылымдарының кандидаты, қауымдастырылған профессор. Халықаралық қатынастар және әлемдік экономика кафедрасының доценті. Ғылыми бағыты: Халықаралық қатынастардың өзекті мәселелері және геосаясат. Білімі: әл-Фараби атындағы Қазақ ұлттық университетін бітірген (үздік диплом). әл-Фараби атындағы Қазақ ұлттық университеті аспирантурасын бітірген. 07.00.15-халықаралық қатынастар және сыртқы саясат тарихы мамандығы бойынша "Қазақстан - Польша: "поляк мәселесінің эволюциясы" тақырыбында кандидаттық диссертация қорғаған. Халықаралық тағылымдамалар: "Болашақ" халықаралық бағдарламасы стипендиаты ретінде Нидерланды Корольдігінің Лейден университетінде ғылыми тағылымдамадан өткен (2014-2015). Польша Ұлттық академиялық алмасу агенттігінің NAWA бағдарламасы бойынша стипендиат ретінде Польшаның Люблин қ. Мария Кюри-Склодовский университетінде ғылыми тағылымдамадан өткен (2024). Жазғы мектептер мен халықаралық конференциялар: Кипр Халықаралық университеті, Солтүстік Кипр, Невкосия (2011); Краков педагогикалық университеті және Варшава ұлттық тарихи Жады институты, Польша, Краков-Варшава (2016); Клайпеда университеті, Литва, Клайпеда қ. (2018); Паннония университеті, Венгрия, Кесек қаласы (2019, 2023); Шығыс Финляндия университеті, Финляндия, Йенсуу қаласы (2019). Жарияланымдар: 100 астам ғылыми мақала жариялады, оның ішінде, Скопус базасы бойынша индекстелген журналдарда – 5, монография -1, құжаттар мен материалдар жинағы – 1 және оқу құралы-2. Ғылыми жобалар: «Еуропалық елдермен қарым-қатынастардағы Қазақстанның сыртқы саясаты мен дипломатиясының диаспоралдық факторы» №05135403 ғылыми жобасының қосалқы жетекшісі (2018-2020 жж); 1939-1945 жылдары фашистік Германияда, Финляндия және басқа да еуропа елдерінде тұтқынында болған қазақстандық әскери тұтқындарды, сондай-ақ Түркістан легионында уақытша болған қазақстандық әскери тұтқындарды ақтау, қорытынды мен ұсынымдарды дайындау жөніндегі мемлекеттік жұмыс комиссиясының ғылыми жобасына қатысушы (2021-2022 жж). Білім беру бағдарламаларының үйлестірушісі: 7М03112-халықаралық қатынастар; 7М03113-халықаралық қатынастар (ТМД ЖУ РХДУ); 7М03123-халықаралық қатынастар (ТМД ЖУ МГИМО); 7М03126-халықаралық қатынастар (бейіндік).